THUISTO

THUISTO

Germanorum Deus, unde genti nomen Teutsche. Memoratur Tacito, de moribus Germ. c. 2. Celebrant carminibus antiquis (quod unum apud illos memoriae et Annalium genus est) Tuistonem Deum terrâ editum, et filium Mannum, originem gentis conditoresque. Alii Tuisconem vocant, qui circa Pelegi tempora regnans Germanis praecepta bene vivendi carminibus, ne memoriâ exciderent,

tradiderit, uti narrat Aventinus, Annal. Boior. l. 1. Qui idem circa Mosis tempora, in Germania rerum potitum esse, Teutatem, Teutonem, virum sapientem et disciplinarum apud Germanos auctorem, ac, post obitum, divinos honores nactum, memorat, Ibid. Vide Georg. Hornium. Histor. Philosophic. l. 2. c. 12. et supra in voce Teutates, ut et ubi de Teutonibus.